Archiv der Kategorie: Uncategorized
Stinis 60igster
Ausflug Passwang und Neu-Falkenstein
Besuch bei Wollbach im Kreiterhof
Ferien am Vierwaldstättersee
2019 – go,go,go…!
Zu Weihnachten 2018
Ich wünsche dir
Nicht, dass jedes Leid dich verschonen möge,
noch dass dein zukünftiger Weg stets Rosen trage, keine bittere Träne über deine Wege komme,
und dass kein Schmerz dich quäle,
nein, dies alles wünsche ich dir nicht.
Sondern:
Dass du allezeit dankbar bewahrst
die Erinnerung an gute Tage,
dass du mutig durch alle Prüfungen gehst,
auch wenn das Kreuz auf deinen Schultern lastet, auch wenn das Licht der Hoffnung schwindet.
Ich wünsche dir,
dass jede Gabe Gottes in dir wachse,
dass du einen Menschen hast, der dir in dunklen Zeiten zur Seite steht.
Und dass in Freud und Leid
das Licht und Lächeln
des Mensch-gewordenen Gotteskindes
dich begleiten möge.
Irischer Weihnachtssegen
Im Piemont – August 2018
Der Biber ist da!
Bald isch Fasnacht
Kinderfasnachts-Umzug am Donnerstag 23.2. in Aesch
alle Bilder des Umzuges auf www.foto-zacher.ch
D’ Fasnacht
Theobald Baerwart
(us ‚Im diefschte Glaibasel‘, Pharaos Verlag Basel)
Rädäbau, rädäbau, si kemme,
Si sin uff der alte Brugg.
«I glaub, es sin d’Glaibasler»,
Sait ain und druggt mi zrugg.
Me heert e verlore Trummle,
’s sin d’Märmeli, wo si schlehn,
Und iber de Kepf d’Ladärne
Schwanggt farbig, gross und scheen.
Es schneielet e bitzli
Und ’s goht e-n-ysige Wind;
Vo hinde schupft e Mueter
Ewägg mi wäge-n-em Kind.
« Stand numme wyter fire »,
Sait si, «my liebe Schatz,
Wenn dä do nit so digg war,
Se hätt i au no Platz.»
I schwyg, wil alles Schwätze
By sonige Lyt nyt nutzt,
Und lueg, wie ’s Glai am Ermel
sy Schnudernase butzt.
Scho heer i d’Trummle sterger
Und gseh drei Ryter koh,
Do mues so-n-e kaibe Drotschge
Grad vor mi ane stoh.
«Wenn numme der Deifel holti
Das Faschtewaihegstell
In däm Kare!» so dängg i by mer,
– Und jetz bricht’s los wie d’Hell.
’s bricht los us fuffzäh Trummle;
Der Zug kunnt in d’Ysegass
Und donneret zem Gyxe-n-und Schreie
Sy fundamäntale Bass.
Und d’Schybe gläppere-n-um mi,
Der Drotschgegaul wird schych,
E Domino duet en hebe –
Das isch mir alles glych.
I heer numme trummle-n-und trummle,
Es bruust mer e Sturm im Ohr;
Si trage d’Ladärne dure,
I gseh der Damburmajor.
Er lauft wie-n-e Halbgott im Sänggel
Mit stolzem Cäsareschritt,
Und jetz kemme d’Trummler; es paggt mi,
I lauf hindrem Zigli mit.
Konfetti schneie-n-uff mi
Und e Luftschlang trifft mi au,
I heer nur e sälige Rhythmus:
Rädäbau, rädäbau, rädäbau!
Kai Druggete gseh-n-i meh um mi,
I heer nit, wie’s rährt und pfyfft;
In der Bruscht aber gspyr i wie ’s Trummle
Ins Härz mer ynegryfft.
